قصيدة : أشتقت هتانه 
كلمات : مجموعة من شعراء عذبات اأيام 
أداء الأستاذ : بادي الوقت

أشـتقت هـتـــــانه عـلى ظـامي الشوق .. يروي عطش غصن تنعم بقربه
كـل الـمشــاعر له وتـنساق له سـوق .. تـجي بـفرحه طـايعه يـم دربـه
إحساس جارف يكشفه دايــــم الموق .. من مبسمه زادي وبنعم بشربه
لـه مشيـــةٍ واسلوب من منبع الذوق .. ونظرةٍ هي سهم والا هي حربه
فـوق الـسحايب مـنزله يـعتلي فــــوق .. وصـوت عـذبٍ تـلتقي فـيه طربه
مـسكانه بـعيني وهو عالــي الموق .. عشت السعادة هام قلبي بحبه
حس الغلا لو جاك مرهف ومـــرموق .. مثل الذهب شوقه بنار احرقت به
أحــن لــه حـنـة هــل الـنـوق لـلـنوق .. الـلـي تـوجـد مــا لـقـاها بـسربه
ياليت شـمس صويحبي دوم بـشروق .. ويـاليتها مــــايوم راحـت مـغربه
يـامعشر الـعشاق قـلبي لـــه حـقوق .. ومشاعري من حق عينه وقلبه
يـا سـيـدي زدني من الحسن برفوق .. وابشر حبيبي كل شيٍ تســـــربه
متى على الله تطلع الـشمس وتروق .. ونميّز المحبـــوب شرقه وغربه
دنـيا صـلفها يـرّث الـجمر وحـــروق .. كـم غـافل من قبل يدري شقت به
هـذا خـتام الحرف والـعمر مسروق .. وهـذي بـقايا الروح اللي بقت به